Es stö am ne Plätzli zwo Linde
Höch über em Lärme vom Tal
Umwäjt vo allne vier Winde, isch’s ine dert wohl. Wohl isch’s o üs dert ym Schatte,
D’Wält ligt üs chlyy vor de Füess
Si söll nume dert no chly warte, mir schicke re Grüess
Da obe vom Ballebüel,
Es isch es herrlichs Gfüel,
Da uf em Ballebüel,
Wyt wäg vom Gwüel.
Früecher, da hei si no tanzet,
By de Linde, da obe am Büel.
U mee weder einisch het’s gfunkt
zwüsche Meitschi u Giel.
U we si spät z’Aabe gäg hei sy,
Isch är no mit ire chly mit,
U mänge u mängi gäb’s ooni di Linde hütt nid.
Es isch es artigs Gfüel
Da uf em Ballebüel
Da uf em Ballebüel
Bruucht es gar nid so viil.
Früecher, da hei si no gsunge
Bym Schaffe ym Huus, uf em Fäld,
Hei mitenand ds Höi ynebrunge
u d’Ächer da bstellt.
U z’Aabe het ds Änni yr Stube
De mängisch no Zithere gspilt,
Säget, dir Lüt, isch das nid ganz es heimeligs Bild?
Es isch es urchigs Gfüel,
Da uf em Ballebüel,
Da uf em Ballebüel,
Da hei sii no der Wyl!
Plötzlich verrysse Motore
Di Stilli da obe am Bärg.
Mit Mähdröscher u mit Traktore gö sii itz a ds Wärk.
Es schwinde di gmüetvolle Bilder,
D’Zyt isch hie nid blybe staa,
Si dräjt immer wyter, s’wird still u der Aabe isch da,
Da uf em Ballebüel,
Es isch es friedlichs Gfüel,
Da uf em Ballebüel,
U langsam wird’s chüel.
Drift away with these dreamlike songs from reclusive folk singer CARLENE, who pairs evocative lyrics with hushed arrangements. Bandcamp New & Notable May 8, 2023
Irish singer-songwriter Oisin Leech's acoustic folk music is characterized by its muted beauty and intimate, solitary quality. Bandcamp New & Notable Mar 16, 2024
The haunting new record from Canadian folk artist Avi C. Engel bridges old and new traditions with a minimalist approach. Bandcamp New & Notable Feb 24, 2024
From Cork, Ireland, Lewis Barfoot writes mystic, majestic songs derived from regional folk, with an ambient music aura. Bandcamp New & Notable Dec 11, 2023