1. |
Di grossi Reis
03:07
|
|||
|
Ha myni Sache packt u bi furt vo dahei Irgendwo glandet, wo si d’Tür uftaa hei.
I ha lehre loufe, sta uf eigete Bei,
Ha glehrt, wi me Ja seit u mängisch o Nei. Ha di nie vergässe, ha dy Abdruck y mir Un i weis genau, es ziet mi wider zu dir. Aber i mues wyter uf Entdeckigsreis,
I chume vo dir un i lande by dir u das isch alls, won i weis.
I bi dür mängi Kurve, da uf mym Wäg,
Bi dür dunkli Wälder, über Brügge u Stäg,
Über Bärg u Täler, über Gränze ewägg,
Dür e Sumpf u dür d’Wüeschti u ds Labyrinth vo de Stedt.
I ha mi verloffe, bi uf Abwäge cho
U nid überall hei si mi fründlich ufgno.
Ha verusse gschlafe, ha gstunke vor Schweiss,
Doch i chume vo dir un i lande by dir u das isch alls, won i weis.
Bi scho wyt umenang cho, ha verschidnigs erläbt.
S’het mängisch weh ta, ha mängs Pflaschter ufgchläbt.
Ha no mängi Narbe als Zeiche dervo,
Aber geng wider het mi öpper y d’Arme gno.
Ha Vertroue gwunne, ha my Gloube no
Un i ha ke Angscht vor däm, wo chönnti cho.
U nach all dene Jahre, da singe mir eis:
I chume vo dir un i lande by dir – uf dere grosse Reis.
I chume vo dir un i lande by dir – u so schliesst sich der Kre Ja, chume vo dir un i lande by dir u das isch alls...
... das isch alls, won i weis.
|
||||
2. |
Hinder em Spiegel
04:20
|
|||
|
Du chasch y Himel yne luege mit em grööschte Teleskop U du wirsch nie irgend es Ändi chönne gsee.
Du chasch es Stöibli vor dir gsee ym Elektronemikroskop U du weisch haargenau, dert drinne steckt no mee:
E ganzi Wält, unsichtbar chly u sältsam gordnet, tuet sich uf, U je chlyner dass d‘se teilsch, umso weniger versteisch
U gseesch am Ändi nume ds Spiegelbild vo dir.
Hinder em Spiegel bisch chly wien es Brösmeli Stärnestoub Hinder em Spiegel bisch so wien es Tröpfli ym Meer,
bisch froh wien es Tröpfli ym Meer.
Du hesch ke Ahnig, wo du härchunnsch u wo du häregeisch. Warum bisch du nid andersch u grad so?
U was isch es, wo di aatrybt, dass du all das überleisch?
U warum bisch du zwüschyne glych so froh?
Di ganzi Wält isch voll vo Rätsel u du sälber bisch es o U je mee dass du weisch, umso weniger versteisch
U gseesch am Ändi nume ds Spiegelbild vo dir.
Hinder em Spiegel bisch chly wien es Brösmeli Stärnestoub Hinder em Spiegel bisch so wien es Tröpfli ym Meer,
bisch froh wien es Tröpfli ym Meer.
Aber mal chunnsch an e Türe u di Türe, di geit uuf,
Es chunnt e Zyt, wo’d alls versteisch u nümme überleisch U chunnsch am Ändi hei, wo’d geng daheim bisch gsy:
Hinder em Spiegel bisch chly wien es Brösmeli Stärnestoub Hinder em Spiegel bisch so wien es Tröpfli ym Meer,
bisch froh wien es Tröpfli ym Meer.
|
||||
3. |
Der Summer isch verby
04:23
|
|||
|
Ds Schwümmbad het no offe U der Himel isch no blau
I bi obsy gloffe
U luege zrügg y ds Tal
I gse di lääre Ächer,
Wo scho lang abgärntet sy
U ds erschte gälbe Birkeblatt, das seit mir’s o:
Der Summer isch verby.
Am Morge isch es chüeler
U ds Gras isch nass vom Tou
Uf der Strass gseesch wider d’Schüeler
U am Aabe steisch im Stou
Es chöme graui Wulche
Un es fyschteret scho gly
U d’Fänschter vo de Chleidergschäft, di zeige’s o: Der Summer isch verby.
Gly sy d’Bletter wider farbig, D’Böim sy blutt u kahl,
Der Näbu schlycht dür ds Tal. Ersch no grad isch Früelig gsy, Je meh Zyt hinder mir ligt
U je weniger vor mir,
Umso schnäller geit’s verby.
D’Zyt het uf em Gsicht scho
Iry Spure hinderlaa
U Fründe, wo’d vilicht no
Gärn hättsch gsee, sy nümme da. Der Bart wird langsam grau,
I bi scho füfevierzgi gsy
U ds Knacke y de Glänk, das seit mir dütlich gnue: Der Summer isch verby.
Im Herbscht, da söll itz ryffe, Was ym Summer no het blüejt. I wett no Mängs begryffe,
Won i mi dermit ha gmüejt.
U wenn i einisch alt bi
U der Winter chunnt scho gly,
De lüpfen i mys Glas uf di u weis: S’isch e schöne Summer gsy.
|
||||
4. |
I dänken a di
03:47
|
|||
|
Lue, der Näbu schlycht dür d’Wälder, Hanget truurig y de Escht
U der Räge bschüttet d’Fälder
U der Buur füert grad der Mischt.
We der Himmel grau wie hütt isch U mys Härz nid weis, wohi,
Wüll my Sunne mit dir furt isch, De dänken i a di.
I sta ym ne lääre Zimmer
Mit lääre Schäft u lääre Wäng
Es gseet nümm so us wi immer, Aber schmöckt no glych wi gäng. Wenn es unerträglich still isch
U d’Zyt wott nid verby,
Wüll i nümm weis, wo mys Zyl isch, De dänken i a di.
I dänken a di, un es heiteret scho chly.
I dänken a di, un es wird mir warm derby.
Un i sueche dyni Spure
Uf däm altvertroute Wäg.
Nei, i wott mi nümm beduure, I chume wieder zwäg.
Es geit wyter, s’geit y d’Wyti, Mängs wird nöi u frömd für mi U mängisch han i Längizyti
U de dänken i a di.
I dänken a di, un es lugget scho echly.
I dänken a di, un es wird mir warm derby.
|
||||
5. |
Sense
04:11
|
|||
|
Du ghörsch nüt als ds Ruusche vo däm Fluss Hesch Zyt für z’luusche, da, veruss,
D’Zyt blybt staa, hie a der Sense.
Ds Wasser fliesst, schwemmt alls ewäg,
Alls, wo dir piess u alle Dräck Verschwindet hinder höche Felse.
Dert louft eine umenand,
Het flachi Steine y der Hand
U faat e Turm dermit aa boue.
U d’Chind byr Chiisbank näbedraa Schleppe grossi Chempe aa,
Si wei probiere, ds Wasser z’stoue.
Si gä sech Müej, dass es nid rünnt
U si sy stolz druuf, wenn es glingt
U hole d’Kamera.
U si byge iri Chempe a der Sense
U si tische iri Steine, Stund um Stund,
U si byge iri Chempe a der Sense
U wüsse haargenau, dass mal
U wüsse haargenau, dass mal
U wüsse haargenau, dass mal es Gwitter chunnt.
Langsam wird es Aabe, wird es Nacht D’Sunnestrahle schwinde sacht,
Alli andere sy gange.
Plötzlich bisch für di elei,
Merksch, du söttisch wider hei, Der Alltag nimmt di wider gfange.
U hie bousch wyter, Tag für Tag, Mit viel Yfer, s’isch ke Frag, Dyni Türm u dyni Muure.
Mir setze Zyl u mache Plän, Erwarte viel u hoff’, es läng
U ds schöne Wätter wöll no duure.
Mir gä n’ys Müej, dass es nid rünnt
U mir sy stolz druuf, wenn es glingt
U luege ds Album aa.
U mir byge üsy Chempe a der Sense
U mir tische üsy Steine, Stund um Stund,
U mir byge üsy Chempe a der Sense
U wüsse haargenau, dass mal
U wüsse haargenau, dass mal
U wüsse haargenau, dass mal es Gwitter chunnt.
|
||||
6. |
Wi di Verliebte
04:03
|
|||
|
Lue, si gö wie uf Wulche, Hand y Hand der Wäg z’düruuf
U uf irne Spure keime zarti Blueme uf.
Si schwelge y Farbe, si gse alls y nöjem Liecht
U si pfyffe uf all das, wo üs so wichtig düecht. Drum sägen i:
Chumm, mir mache’s wi di Verliebte,
I gloube a di u du gloubsch a mi! Chumm, mir mache’s wi di Verliebte, Gse der Zouber y dir u der Zouber y mir!
Lue, wi si sich verschänke, si gä alls u rächne nid, Wei a nüt anders dänke, u ke Wäg isch ine z’wyt. Stürze sich blind y ds Vertroue u mache sich nüt vor, U jede Roseverchöifer hout se locker über ds Ohr.
I weiss zwar nid, öb’s richtig isch
U öb’s uf d’Längi müglich isch, so z’sy wi si. Aber si gä mir e nöji Sicht
Uf das, wo wichtig isch für mi u dii.
Es cha so viel passiere y de ruuche Stürm vor Zyt, Mir müesse funktioniere, süsch chöme mir nid wyt. U mir verliere dä Zouber, mir wärde müed u muff. O, we mir nume dra gloubte, gängte nöji Wälte uuf.
Chumm, mir mache’s wi di Verliebte, Mir wagen e Trick: E nöje Blick.
U no mir weniger güebte
Finde es Stück vo ihrem Glück.
Chumm, mir mache’s wi di Verliebte,
Gse der Zouber y dir u der Zouber y mir! Chumm, mir mache’s wi di Verliebte, I gloube a di u du gloubsch a mi!
|
||||
7. |
||||
|
Teil wüsse gnau, wo der Himmel isch U spränge sich drum y d’Luft,
U teil kämpfe nächtelang mit dir
U hinke nächär ar Huft.
Wär wett nid wüsse, was würklich isch U würklich gscheht?
Wär wett nid gseh, was me nid gseht?
I weiss nid, won i stah
Un i weiss nid, won i gah
Un i weiss nid, vo wo dass i das alles ha. Wo chumen i här?
U was chunnt nächär?
U was wär, we alles das nid wär?
Für was git es mi
U wo gahn i hi?
U finden i irgendwo ächt di?
Was weiss i scho vo mir?
Was weiss i scho vo dir?
I bi froh, bisch du by mir.
Teil wüsse gnau, wo’s düregeit, Drum zünde sie Büecher aa.
U teil boue sich es Chartehus U gloube de sälber dra.
Wär wett nid ou es Bitzli Halt
U Sicherheit?
Da, uf däm Schiff, wo undergeit?
I weiss nid, won i stah
Un i weiss nid, won i gah
Un i weiss nid, vo wo dass i das alles ha. Wo chumen i här?
U was chunnt nächär?
U was wär, we alles das nid wär?
Für was git es mi
U wo gahn i hi?
U finden i irgendwo ächt di?
Was weiss i scho vo mir?
Was weiss i scho vo dir?
I bi froh, bisch du by mir.
Teil wüsse ganz gnau, wär du bisch U male di farbig aa.
Si schrybe dir vor, wie du hesch z’sy U was du z’tüe hesch, da.
Aber du losisch nid uf sii
U nid uf mi.
U vielich bisch du nume Chemie...
I weiss nid, won i stah
Un i weiss nid, won i gah
Un i weiss nid, vo wo dass i das alles ha. Wo chumen i här?
U was chunnt nächär?
U was wär, we alles das nid wär?
Für was git es mi
U wo gahn i hi?
U finden i irgendwo ächt di?
Was weiss i scho vo mir?
Was weiss i scho vo dir?
I bi froh, bisch du by mir.
Was weiss i scho vo mir?
Was weiss i scho vo dir?
I bi froh, bisch du by mir.
Was weiss i scho vo mir?
Was weiss i scho vo dir?
I bi froh, bisch du by mir.
|
||||
8. |
Sunntigschind
06:33
|
|||
|
I bin es Sunntigschind.
I weis es zwar nümm so gnau,
Win es gsy isch, denn,
Won i’s gmerkt ha, zum erschte Mal.
Wo si mi usglacht hei,
Han i gwüsst: Du steisch zu mir.
U we si nei gseit hei,
Bisch du mit mir dür ds Füür.
U wen i o mängisch ha Päch gha
U ne Zylete Tröim sy y Brüch,
De merken i itz hindedry, genau das isch mys Glück.
Wen es rägnet, de küsst mi der Himel,
Der Sturmwind strycht mir dür d’Haar
U der Näbel, dä leit mir, so sanft, win är cha, sy Zoubermantel aa.
Ja, wen es rägnet, de küsst mi der Himel
U d’Wulche zie mit mir zu dir,
U we’s blitzet u donneret, weis i,
du dänksch grad a mi – Un i a di.
Du seisch: Es isch hindedry
Geng eifach, es Urteil z’gää.
I wär e Schwindler gsy,
Wenn i hätt gseit, i chönn’s eifach so nää.
Eso ym Räge staa,
Cha überus unaagnäm sy,
U mi weis es ja,
Mi cha sech ärnschthaft erchelte derby.
Aber nie gspürsch di mee, als we’s wee tuet
U nie gspürsch so guet, dass d’no läbsch
U nie bisch am Himel so nöch wi we’d nass bisch u chläbsch.
Wen es rägnet, de küsst mi der Himel,
Der Sturmwind strycht mir dür d’Haar
U der Näbel, dä leit mir, so sanft, win är cha, sy Zoubermantel aa.
Ja, wen es rägnet, de küsst mi der Himel
U d’Wulche zie mit mir zu dir,
U we’s blitzet u donneret, weis i,
du dänksch grad a mi – Un i a di.
Du bisch es Sunntigschind
O we d’am Wärchtig uf d’Wält bisch cho.
Du fingsch tuusig Gründ,
Wo bewyse: Es isch eso.
Es chönnt schlimmer sy,
Chönntsch enttüschter sy als d’bisch
U du weisch immer chly:
S’git nüt, wo sälbverständlich isch.
So dräj di emal gäge d’Sunne
U gspür d’Wärmi uf dym Gsicht
U d’Träne funkle wi Perle, we ds Liecht sech drinn bricht.
Ja, wen es rägnet, de küsst di der Himel,
Der Sturmwind strycht dir dür d’Haar
U der Näbel, dä leit dir, so sanft, win är cha, sy Zoubermantel aa.
Ja, wen es rägnet, de küsst di der Himel
U d’Wulche zie mit dir gäg hei.
U we’s blitzet u donneret,
blybt der Himel dir tröi, du bisch nid elei.
|
||||
9. |
Tröimer
05:23
|
|||
|
I chnöile ym Stoub uf em Eschterig, sueche e Schachtle für ix e Versand,
Da chunnt mir e sältsami Gofere, won i no nie da ha gsee, under d’Hand.
I tue ihres roschtige Schloss uf – da stockt mir der Aatem – si isch gfüllt mit Gäld.
Isch’s e Falle? E Finte? Isch’s Faltsch- oder Fluchtgäld? U wär het das da ynegstellt?
I zelle’s yr Nacht, es sy paar Millione, verstecke’s guet, dass’s niemer chlaut.
Was machen i nume dermit u wi giben i’s us, dass es nid z’fescht uffallt?
Säg, bisch du nid mängisch o chly ne Tröimer?
U vo was tröimsch du?
I sitze bym Coiffeur u la mir la d’Haar schamponiere vo zwo fyne Händ
I luege y Spiegel, ym Hintergrund ghört me ym Radio irgend e Band.
D’Coiffeuse fragt: «Isch es rächt?» D’Stimm ym Radio seit: «Itz chunnt Sound us der Schwyz.»
U nach zwene Tön isch mir klar, was i ghöre. Si seit: «Wider mal öppis Gschyds!
Das tönt itz no guet, das kenn i no gar nid, vo wäm isch äch das? Wüsset’s dir?»
«Es isch vo mir», säg i u gsen es uu-längs Gsicht da ym Spiegel vor mir.
Säg, bisch du nid mängisch o chly ne Tröimer?
U vo was tröimsch du?
I loufe dür ds Dorf u i loufe dür d’Stadt u gse überall fründlichi Lüt.
S’het Platz a de Tische vom Kafi am Egge, s’schynt d’Sunne u alli hei Zyt.
Yr Zytig stö hüt nume spannendi Gschichte, guet gschribe u guet recherchiert:
D’Wält isch ym Ufbruch, s’git gueti Ussichte u ändlich wird ehrlich regiert!
Der Chrieg isch verby, si vertrage sich wider, d’Soldate sy wider dahei.
Es het Platz u z’Ässe für alli u sider wird alls geng no besser u nöi.
Säg, bisch du nid mängisch o chly ne Tröimer?
U vo was tröimsch du?
|
||||
10. |
Ballebüehl
05:49
|
|||
|
Es stö am ne Plätzli zwo Linde
Höch über em Lärme vom Tal
Umwäjt vo allne vier Winde, isch’s ine dert wohl. Wohl isch’s o üs dert ym Schatte,
D’Wält ligt üs chlyy vor de Füess
Si söll nume dert no chly warte, mir schicke re Grüess
Da obe vom Ballebüel,
Es isch es herrlichs Gfüel,
Da uf em Ballebüel,
Wyt wäg vom Gwüel.
Früecher, da hei si no tanzet,
By de Linde, da obe am Büel.
U mee weder einisch het’s gfunkt
zwüsche Meitschi u Giel.
U we si spät z’Aabe gäg hei sy,
Isch är no mit ire chly mit,
U mänge u mängi gäb’s ooni di Linde hütt nid.
Es isch es artigs Gfüel
Da uf em Ballebüel
Da uf em Ballebüel
Bruucht es gar nid so viil.
Früecher, da hei si no gsunge
Bym Schaffe ym Huus, uf em Fäld,
Hei mitenand ds Höi ynebrunge
u d’Ächer da bstellt.
U z’Aabe het ds Änni yr Stube
De mängisch no Zithere gspilt,
Säget, dir Lüt, isch das nid ganz es heimeligs Bild?
Es isch es urchigs Gfüel,
Da uf em Ballebüel,
Da uf em Ballebüel,
Da hei sii no der Wyl!
Plötzlich verrysse Motore
Di Stilli da obe am Bärg.
Mit Mähdröscher u mit Traktore gö sii itz a ds Wärk.
Es schwinde di gmüetvolle Bilder,
D’Zyt isch hie nid blybe staa,
Si dräjt immer wyter, s’wird still u der Aabe isch da,
Da uf em Ballebüel,
Es isch es friedlichs Gfüel,
Da uf em Ballebüel,
U langsam wird’s chüel.
|
||||
11. |
Sing es Lied mit mir
04:25
|
|||
|
We d’Würklichkeit nid haltet, was d’Wärbig so verspricht,
We’s nidsy geit u alles stellt sich quer,
We ds Schicksal mit dir waltet u dir dyni Tröim verbricht,
Putz d’Träne ab u sing es Lied mit mir:
Na... Putz d’Träne ab u sing das Lied mit mir.
Putz d’Träne ab u sing das Lied mit mir.
We d’Rose d’Chöpf lö hange u ym Zimmer isch es chalt,
We d’einsam bisch u niemer fragt nach dir,
We d’Wunderwält vergange isch u all das, wo dir gfallt,
De chumm zu mir u sing es Lied mit mir:
Na... De chumm zu mir u sing das Lied mit mir.
De chumm zu mir u sing das Lied mit mir.
We alli Fänschter Gitter hei u d’Türe bschlosse sy,
Ke Notusgang u guete Rat isch tüür,
We’s fyschter isch u niemer het es Quäntli Troscht für di,
De raff di uf u sing es Lied mit mir:
Na... De raff di uf u sing das Lied da:
Na... De raff di uf u sing das Lied mit mir.
Putz d’Träne ab u sing das Lied mit mir.
|
||||
12. |
Ym ne Liecht y der Nacht
04:28
|
|||
|
Ym ne Liecht y der Nacht,
Y der Sunne, wo lacht,
Y der Luft rund um mi um,
Dert finden i di.
Y der Truur u ym Schmärz,
Y der Rue y mym Härz,
Y däm innere Füür,
So chunnsch du zu mir.
Was i weis, was i cha
U dä Wäg, won i ga,
Jedi offeni Tür,
All das chunnt nid vo mir.
U am Änd vo däm Spiil
Chunnt e Wäg a sys Zyl,
Y myr Zyt, wo vergeit,
Spieglet d’Ewigkeit.
|
||||
Burger Switzerland
Mundertsingersongwriterband (uff…) – das trifft es trotz der vielen englischen Vokabeln am Besten…
www.burgersongs.ch
If you like Burger, you may also like:
Looking Out My Window
by CARLENE
Drift away with these dreamlike songs from reclusive folk singer CARLENE, who pairs evocative lyrics with hushed arrangements.
go to album
Irish singer-songwriter Oisin Leech's acoustic folk music is characterized by its muted beauty and intimate, solitary quality.
go to album
The haunting new record from Canadian folk artist Avi C. Engel bridges old and new traditions with a minimalist approach.
go to album
Here in the Pitch
by Jessica Pratt
On her fourth album, Jessica Pratt blends up 60s pop and bossa nova into a spooky mix of soft psychedelia.
go to album
Great Loveday Wonder : The Collected Demo Recordings
by Billy Childish / William Loveday Intention
From the always-great label Tompkins Square comes two-dozen plus demos from alt legend Billy Childish.
go to album
Darkness begins to creep into the corners on the latest from Itasca.
go to album
From Cork, Ireland, Lewis Barfoot writes mystic, majestic songs derived from regional folk, with an ambient music aura.
go to album
